KAMPO MAJOR GENERAL LICERIO I. GERONIMO, Taytay, Rizal–Arestado ng mga otoridad ang suspek na tulak na may dalang P370,000 na shabu, baril at bala sa Brgy. San Juan, Cainta, Rizal noong Sabado.

Nahuli si alyas Frederick sa buy-bust ng Station Drug Enforcement Team ng Cainta Municipal Police bandang alas-12:30 ng madaling araw, ayon kay Rizal police director P/Col. Felipe Maraggun.

Nakumpiska mula sa suspek ang anim na sachet na naglalaman ng 55 na gramo ng shabu na tinatayang may halagang P374,000, black belt bag, buy-bust money, P1,800 na drug money, isang caliber 45 pistol at apat na bala.