TIGOK ang retiradong sundalo ng sumemplang at tumilapon matapos mag-overtake sa kotse at magulungan nito noong Biyernes sa Brgy. San Antonio 1, San Pablo City, Laguna.

Sa ulat ni P/Lt. Col. Franco Allan Reglos, San Pablo Police chief, kinilala ang biktima na si Joel Sotelo Biluan.

Isinugod sa San Pablo Medical Hospital ang biktima kung saan siya idineklarang dead-on-arrival ni Dr. Patrick Ciabal.

Sa imbestigasyon ng trapik police, dakong alas-12:35 ng tanghali sakay ng Suzuki motorcycle ang biktima ng mag over take sa silver metalic Toyota Rusi na minamaneho ni Nyorlito Ayaay Zara, 53.

Dahil sa mabilis ang pangyayari, hindi na nakapagpreno ang driver ng Toyota na sanhi upang magulungan at mapailaliman ang katawan ng biktima.