INARESTO ng mga pulis ang isang lalaki dahil sa kasong panghahalay habang kumukuha ng police clearance sa Poblacion, Lobo, Batangas.

Sinabi ni P/Capt. Ragemer Hermidilla kay P/Maj. Jeffrey Pacleb Fontanilla na kumukuha ng police clearance ang suspek na si alyas Pedro nang maaresto.

Napatunayang may warrant of arrest para sa kasong rape ang suspek na inisyu ni Presiding Judge Cristino E. Judit ng RTC Branch 10, Balayan, Batangas.

Ang pag-aresto nagpapakita ng bisa ng electronic warrant verification system ng PNP sa pagtukoy at pag-aresto sa mga hinahanap na indibidwal, ayon kay Batangas police director PCol. Jacinto Malinao Jr.