ITINALAGA ni Pangulong Ferdinand “Bongbong” Marcos Jr. ang labor leader na si Alan Tanjusay bilang undersecretary ng Department of Social Welfare and Development (DSWD).

Si Tanjusay ay itinalaga bilang undersecretary for inclusive and sustainable peace na mangangasiwa sa mga programa ng gobyerno para sa mga rebeldeng nagbalik-loob at kanilang pamilya.

Nagpasalamat si Tanjusay sa pagkakataon na ibinigay sa kanya upang makapaglingkod sa bansa.

Si Tanjusay ay bahagi ng Trade Union Congress of the Philippines (TUCP), isang grupo na nagtataguyod sa kapakanan ng mga manggagawa.