TINUTULAN ni Senador Panfilo “Ping” Lacson ang kahilingan na sagutin ng Senado ang pagkain ng defense team ni Vice President Sara Duterte sa impeachment trial gamit ang caterer na pinili ng Office of the Vice President, dahil maaari umanong lumabag ang naturang arrangement sa government procurement law.

“We cannot pay the OVP’s caterer without violating the procurement law,” sinabi ni Lacson.

Sa liham na may petsang Hulyo 7 at ipinadala kay Senate President Sherwin Gatchalian, hiniling ng Pangalawang Pangulo na ang pagkain at inumin para sa defense team, support staff at mga testigo ay eksklusibong manggaling, ihanda at ihain ng accredited caterer ng OVP.

Hiniling din sa liham na sagutin ng Senado ang makatwirang gastos para sa pagkain, inumin at catering services.

Sinabi ni Lacson, chairman ng Senate Committee on Accounts at senator-judge sa impeachment trial, na mayroon nang sariling caterer ang Senado na napili sa pamamagitan ng regular bidding.

“As the chairman of the Committee on Accounts, madiin kong tinutulan due to the following reasons: Items 2 and 3 may be highly questionable and irregular in that the Senate has our own caterer that underwent regular bidding process and for us to accommodate OVP’s caterer and even shoulder the expenses incurred to feed VP Duterte’s defense team, support staff and witnesses may be violative of the government procurement law,” sinabi niya.

Ang Republic Act No. 12009, o New Government Procurement Act, ang nagtatakda sa procurement ng mga produkto at serbisyo ng mga ahensya ng pamahalaan.

Sinabi ni Lacson na mayroon pang humigit-kumulang ₱22.6 milyon mula sa ₱27.5 milyon na inilaan sa ilalim ng 2025 General Appropriations Act para sa impeachment proceedings.

Hanggang Hulyo 21, ₱4.9 milyon pa lamang ang na-obligate.

Aniya, maaaring gamitin ang natitirang pondo para sa pagkain ng prosecution at defense teams, mga testigo, senator-judges at support staff na nagsasagawa ng opisyal na tungkulin kaugnay ng trial.

“We can provide meals for everyone performing official duties in connection with the impeachment trial, provided the meals are strictly for trial-related activities,” sinabi ni Lacson.

Maaari umanong i-obligate ang pondo hanggang Disyembre 2026 sa ilalim ng continuing appropriations provision ng 2025 national budget.

Sinabi rin ni Lacson na impormal na niyang natalakay ang usapin sa ilang senador, kabilang si Gatchalian.