DUMALO si Gob. Sol Aragones, katuwang ang Laguna Health Team at Provincial Health Office, sa paghahatid ng libreng bakuna kontra trangkaso at libreng maintenance medicines sa mga residente ng apat na bayan sa Laguna noong Huwebes.

Layunin ng libreng bakuna na mailapit ang mga pangangailangang pangkalusugan sa mga residente, lalo na sa mga senior citizens at mga komunidad na malayo sa mga health centers at botika.

Nagsagawa ng libreng flu vaccination ang Akay ni Gob Mobile Botika sa San Antonio, Los Baños; Birmingham Subdivision sa Pulo, Cabuyao; Santa Rosa, Alaminos; at Dila, Bay.

Kabilang sa mga libreng maintenance medicines na ipinamahagi ang amlodipine, atorvastatin, metformin, clopidogrel, losartan at vitamin b complex.