STA. CRUZ, Laguna — Pinagtibay ng Laguna ang digital initiative sa kalusugan sa paglulunsad ng Gob Sol App 2.0–Gobyernong May Solusyon App noong Biyernes sa Cultural Center of Laguna.

Hinihikayat ang mga Lagunense na gamitin ang digital platform sa kalusugan sa pamamagitan ng opisyal na portal na portal.gobsol.com na nagbibigay-daan upang makapag-book ng online na konsultasyon at makakonekta sa mga lisensyadong doktor nang hindi na kailangang bumiyahe.

Binigyang-diin ni Gob. Sol Aragones ang kaginhawahan ng sistema dahil maaaring magpakonsulta ang mga pasyente sa mga doktor nang hindi na gagastos sa pamasahe.