LUNGSOD NG BATANGAS — Sumalang si Batangas 5th District Board Member Hamilton Blanco sa pagdinig ng Committee on Housing and Land Utilization upang talakayin ang mga panukalang batas hinggil sa land reclassification at mga proyektong pangkaunlaran sa iba’t ibang bayan.

Layunin ng committee hearing na matiyak na ang bawat hakbang sa paggamit at pagpapaunlad ng mga lupain ay umaayon sa umiiral na batas.

Binigyang-diin sa pagpupulong na ang wastong pagpaplano sa lupa ang susi sa mas maayos, ligtas at progresibong komunidad.

Kasabay nito, tiniyak ng pamunuan ang patuloy na pakikipag-ugnayan sa mamamayan upang isulong ang mga programang may malasakit at nakatutok sa pangmatagalang kinabukasan ng buong Batangas.