ISANG lalaki ang na-trap sa loob ng Pamitinan cave sa San Rafael, Rodriguez , Rizal.

Nakilala ang biktima na si Jonas Salut, may- asawa at nasa hustong gulang.

Ayon sa ulat, dakong 10:00 ng umaga nitong Miyerkules nang pumasok ang biktima sa kweba para ayusin ang hose na pinagkukunan ng mga ito ng tubig.

Gayunman, hindi na nakabalik ang biktima kaya’t agad na humingi ng tulong ang kanyang mga kaanak sa mga awtoridad.

Patuloy naman ang ginagawang rescue operation ng mga tauhan ng municipal disaster risk reduction and management office at mga empleyado ng Barangay San Rafael Rescue Team para iligtas ang biktima.