KAMPO HENERAL MIGUEL MALVAR, Batangas–Naaresto noong Linggo ang lalaking may tatlong warrant of arrest dahil sa paglabag sa Section 5 ng RA 7610 (Special Protection of Children Against Child Abuse, Exploitation and Discrimination Act) sa Brgy. San Sebastian, Lipa City.

Inaresto ang suspek na si alyas Renato, 40, mula sa arrest warrant na inisyu ni Presiding Judge Noel Lindog ng Family Court, Branch 2 ng Lipa City, Batangas.

May P80,000 piyansa na inirekomenda sa bawat kaso ng suspek para sa kanyang pansamantalang kalayaan.

Dakong alas-12:05 ng tanghali naaresto ang suspek ng Lipa City police sa pangunguna ni P/Lt. Col. Rix Villareal, ang hepe ng pulisya ng syudad.