ARESTADO noong Miyerkules ang isang lalaki dahil sa pagdadala ng 25 gramo ng shabu na may presyong P170,000 sa Brgy. Balagtas, Batangas City.

Bandang alas-8:41 ng gabi natiklo ang suspek na si alyas Danilo sa buy-bust ng City Drug Enforcement Team (CDET) ng Batangas City police.

Tatlong sachets na naglalaman ng puting crystalline substance na hinihinalang shabu na may timbang na 25 gramo at presyong P170,000, buy-bust money at isang coin purse ang narekober ng mga pulis mula sa suspek.