NAARESTO na ng mga pulis ang nakahubad na lalaking nag-viral sa social media nang maghasik ng sindak at nanakit ng mga pasahero sa loob ng pampasaherong jeep sa Muntinlupa City.

Dakong alas-2:00 ng madaling araw nang madakip ng mga tauhan ng Muntinlupa police ang suspek na si alyas “Vincent” sa Carzo Compound, Brgy. Alabang, sa naturang lungsod.

Nag-viral sa social media ang pagsakay ng lalaki sa isang pampasaherong jeep at doon sinaktan ang hindi na nakilalang pasahero sa gitna ng pagsigaw ng biktima at tangka pang panlalaban ng isang matandang lalaking pasahero.

Nabigyan naman ng pangunahing lunas ang biktima na nasa mabuti ng kondisyon habang sasampahan ng kasong physical injurie ang suspek sa Muntinlupa City Prosecutor’s Office.