INILUNSAD ni House Speaker Faustino “Bojie” G. Dy III noong Biyernes ang “LegisHear,” ang pambansang inisyatiba ng Kamara de Representantes na naglalayong ilapit ang Kongreso sa mga komunidad sa pamamagitan ng mga pampublikong konsultasyon.

Sinabi ni Speaker Dy na isinasakatuparan ng LegisHear ang kanyang pangakong gawing mas bukas, mas tumutugon at mas may pananagutan ang Kamara sa sambayanan.

“Ang layunin nito ay makinig sa ating mga mamamayan, lalong-lalo na tungkol sa pinakamahalagang programa at mga magiging batas, upang sagutin ang mga pangangailangan ng ating mga kababayan,” wika ni Dy.

Mahalagang marinig ang hinaing at mungkahi ng publiko lalo na sa gitna ng mga hamong kinakaharap ng bansa.