ISANG dental mission ang ginanap sa Calatagan, Calaca, Lian at Rosario, Batangas sa pagtutulungan ng Provincial Health Office (PHO), Western Batangas 104, Lions Club at dalawang pulitiko.

Nagbigay ng libreng bunot at check-up ng ngipin ang mga provincial dentists sa pangunguna ni Dr. Dionisio Camus Burog Jr. Nakipag tulungan sina Board Members Carlo Roman Rosales at Jonas Patrick Gozos sa mission.

Nagpasalamat ang Provincial Health Office sa mga barangay health workers (BHW) sa pagsuporta at tumulong sa pag check ng blood pressure ng mga pasyente bago bunutan ng ngipin.

Ang dental mission isa sa mga programang isinusulong ng probinsya upang maihatid ang dekalidad na serbisyong pangkalusugan sa bawat mamamayan.