BINISITA ni P/MGen. Andre Dizon, direktor ng Philippine National Police Academy (PNPA), noong Pebrero 4 ang Lipa City police upang suriin ang mga kadeteng sumasailalim sa Cadet Attachment Program.

Tinanggap P/MGen. Dizon nina P/Lt. Col. Aleli Cuyan Buaquen at P/Maj. Charles Suarez Fulache.

Nakipag-usap ang heneral sa mga kadete at binigyang-diin na ang tagumpay sa hinaharap bilang mga opisyal ng pulisya ay nakasalalay sa pagbibigay-prayoridad sa kapakanan ng kanilang mga nasasakupan.

Sa pamamagitan ng pagpapakita ng mga prinsipyong ito sa simula pa lang ng kanilang karera, sila ay matatandaan ng mga susunod na henerasyon bilang mga lider na matatag, ayon kay Dizon.