LUCKY 13 para sa Pampanga Giant Lanterns.

Bahagya lamang pinagpawisan ang defending champion Pampanga  bago pinayuko ang Bulacan, 124-81, sa MPBL (Maharlika Pilipinas Basketball League) Sixth Season sa  Calasiao Sports Complex sa Pangasinan.

Nanguna ang 1-2 punch nina Archie Concepcion at Kurt Reyson para sa Giant Lanterns, na lumamang pa ng 46 points, 118-72, bago itala ang kanilang ika-13 sunod na panalo sa 14 na laro sa 29-team tournament, na itinataguyod ni Sen. Manny Pacquiao sa tulong ni commissioner Kenneth Duremdes.

Si Concepcion, na nahirang na “Best Player of the Game”, ay nagsumite ng g19 points, 13 rebounds at nine assists, habang si Reyson ay nagtala ng triple-double na 15 points, 12 rebounds at 11 assists.

Nakatulong din ang iba pang mga Pampanga players na Jeff Viernes (18 points, seven rebounds, three steals); homegrown Ronan Santos (15 points, six rebounds);Jhaymo Eguilos (10 points, five rebounds, two assists, two  blocks): at Lervin Flores (10 points, nine rebounds at four assists).

At bagamat hindi nakaaro ang 6-foot-8 MVP na si Justine Baltazar at 6-6 Allen Bryant Liwag, nadomina pa din ng Giant Lanterns ang Kuyas sa rebounds, 67-41.

Sa three-point shooting, matindi din ang Giant Lanters sa14-of-27 performance (51.9 percent), na kung saan si Reyson ay may 5-of-9 shooting  at si Concepcion ay may  3-of-5 effort.

Ang Bulacan, na nalugmok pa sa 2-12, ay nakakuha ng  19 points, four rebounds, two  assists at two steals mula kay Jason Celis, 17 points at four  rebounds mula kay  Jan Baltazar, 10 points, five  rebounds at three assists mula kay Eric James Jabel, at nine points and  11 rebounds mula kay  John Cayno Carandang.

Sa ibang mga laro,  ginulat ng Quezon City ang host Pangasinan, 78-74, at pinataob ng Nueva Ecija ang  Bataan, 85-70.

Humirit  ng three-point  shot  si John Paul Cauilan  sa huling 9.5 seconds  para burahin ang 72-71 kalamangan ng Pangsainan at itakas ang kanilang ika-pitong panalo sa 14 na laro.

Namuno para sa Quezon City si Paul Garcia,  na may  22 points, kasunod si Rhinwill Yambing, na may  19 points, nine rebounds, at three steals, at Chino Mosqueda, na may 11 points,  eight  assists at seven rebounds.

Si Hesed Gabo ay nagtala ng 18 points at si Allen Mina ay nagdagdag ng 12 pointrs para sa Pangasinan, nay bumaba sa 5-9 win-loss record.

Matapos ang one-day break, magbabalik aksyon sa MPBL sa Batangas City Coliseum, na kung saan magtutuos ang  at Manila simula 4 p.m., Davao at Abra sa 6 p.m. at Valenzuela at Batangas sa  8 p.m.