NAGHATI ang isang ama at kanyang anak na lalaki sa jackpot prize ng MegaLotto 6/45 na nagkakahalaga ng P11.6 milyon.

Kuwento ng tatay tumaya ito ala-1 ng hapon noong Pebrero 27 sa San Pablo, Laguna. Nang muling mapadaan sa lotto outlet ay muli itong tumaya ang parehong numero ang kanyang tinayaan.

Ibinigay ng tatay ang isa sa mga tiket sa kanyang anak at sinabi na kapag tumama ay hati sila.

Ang mga numerong 25-4-11-35-15-09 ay kombinasyon umano ng petsa ng kaarawan at edad ng mga miyembro ng kanilang pamilya.

Ayon sa tatay, malaki ang kanyang paniniwala na susuwertihin ngayong taon dahil sa kanyang horoscope.

Wala pa umanong plano ang mag-ama kung ano ang gagawin sa kanilang napanalunan.