MAAARI umanong maharap sa kasong plunder, isang non-bailable offense na ang parusa ay habambuhay na pagkakakulong, ang mag-asawang kontraktor na sina Pacifico “Curlee” Discaya II at Sarah dahil sa kanilang mga inamin sa kanilang testimonya sa Kongreso kaugnay ng anomalya sa flood control project, ayon kay Batangas 2nd District Rep. Gerville “Jinky Bitrics” Luistro.

Sa pagdinig ng House Infra Committee nitong Martes, kinumpirma ni Luistro kay Discaya ang laman ng affidavit nito na may petsang Setyembre 6 at una ng isinumite sa Senate Blue Ribbon Committee.

Ang dokumento, na nilagdaan ng mag-asawang Discaya, ay nagbanggit ng mga mambabatas at opisyal ng Department of Public Works and Highways (DPWH) na umano’y sangkot sa kickbacks.

“Mr. Discaya, significantly under the law, if it is 50 million [pesos] and below, the case is violation of Anti-Graft and Corrupt Practices Act. But if the case is more than 50 million [pesos], it constitutes violation of Anti-Plunder Law,” ayon kay Luistro, na siya ring chairperson ng House Committee on Justice.

Dagdag pa niya, “I want you to realize violation of Anti-Plunder Law is punishable by life imprisonment and it is a no bail offense, which means if information will be filed [before] the Sandiganbayan against you and your other co-accused, kayo pong mag-asawa and the rest of the co-accused ay makukulong at mapapahiwalay sa inyong mga anak. Do you realize that?”

Nauna rito ay iginiit ni Discaya na lahat ng kanilang proyekto ay nakuha sa pamamagitan ng public bidding, ngunit nang igiit ni Luistro, inamin niyang naiintindihan niya ang magiging epekto ng kanilang affidavit.

Binanggit ni Luistro na sa pamamagitan ng paglalahad kung paano umano dumaloy ang pondo sa mga iregular na proyekto, ay mistulang umamin si Discaya sa plunder.

“Do you understand as well that in this affidavit, Mr. Discaya, kayo po’y umamin na? You already made an admission about the commission of the case of plunder with your affidavit,” aniya.

Itinanggi ito ni Discaya at sinabing: “Kasi, Your Honor, ano po ito, pinilit lang po kami, Your Honor. Pinilit lang po.”

“That is for you to prove,” tugon ni Luistro. “But in as far as this committee is concerned, including the members, when we go over your sinumpaang salaysay, to me it appears you are admitting already to the case of plunder. And the worst thing, Mr. Discaya, among the lawmakers and the DPWH officials whom you identified, all of them denied. Do you understand the implication of this?”

Nang tanungin kung bakit nilagdaan niya ang affidavit sa kabila ng mga kahihinatnan, sinabi ni Discaya: “Your Honor, mas natatakot kami sa buhay namin ngayon dahil kinukuyog na kami ng taong bayan. Kaya po nag-execute kami ng affidavit na ito dahil 120 million Filipinos ang parang gusto kaming patayin … kaya po napilitan po akong gawin ito.”

Tinuligsa rin ni Luistro ang paratang ni Discaya na maaari siyang basta na lamang magpanggap bilang state witness.

“Becoming a state witness is a decision that comes from the court and not from you. And there are requirements that we have to consider,” aniya.

Ipinaliwanag niya na hinihingi ng Rules of Court ang absolute necessity ng testimony, corroboration, kawalan ng ibang ebidensya, kawalan ng naunang conviction, at hindi dapat ang testigo ang most guilty.

“At if you are not admitted as state witness, definitely then you will be one of the co-accused,” babala ni Luistro.

“And with your admission that you made already in the Senate and before this committee, I think the offense of plunder is already established,” dagdag pa niya.