PATAY ang 30-anyos na magsasaka matapos hatawin ng itak sa katawan ng nakaalitan nitong Martes, Pebrero 24, 2026, sa Rambo Road, Sitio Bugarin, Brgy. Halayhayin Pilillia, Rizal.

Idineklarang dead on the spot ang biktimang si alyas ‘Gab’, bunsod ng mga malalalim na tama sa katawan.

Ang suspek na nakilalang si alyas ‘Kulot’ ay tumakas patungo sa bulubundukin bahagi ng lugar.

Sa isinagawang inisyal na ulat ng Pililla Municipal Police Station, naganap ang alitan ng biktima at suspek mga bandang 10 a.m.

Nasaksihan ng isang alyas ‘Norma’ ang pangyayari at nagbigay ng salaysay sa pulisya.

Nagsasagawa na ng hot pursuit operation ang pulisya para sa ikadarakip ng suspek na tumakas bitbit ang itak na ginamit sa pananaga.