HALOS P2.8 milyon na halaga ng hinihinalang shabu ang nakumpiska sa naarestong drug suspek ng Cainta police sa Dogwood St., Greenland Subdivision, Brgy. San Juan, Cainta, Rizal noong Sabado.

Iniulat ng Cainta police ang arestadong suspek na si alyas Hasim na arestado dahil sa paglabag sa RA 9165.

Nabawi mula sa suspek ang 410 na gramo ng shabu na may halagang P2,788,000.

Nakatago ang shabu sa tatlong plastic sachet at nahuli ang suspek dakong alas-11:15 ng gabi, ayon sa report.