ISANG mananaya sa Balagtas, Bulacan ang nanalo ng P15.8 milyong jackpot ng Super Lotto 6/49 sa bola noong Martes ng gabi.

Ayon sa Philippine Charity Sweepstakes Office (PCSO) isa ang nakakuha ng winning number combination na 28-45-09-12-21-19.

Samantala nanalo naman ng tig-P50,000 ang 29 mananaya na nakakuha ng limang numero.

Tig-P1,200 naman ang tinamaan ng 1,324 mananaya na nakaapat na numero at tig-P50 naman ang 21,080 mananaya na nakatatlong numero.

Ang mga premyo na mahigit P10,000 ay pinapatawan ng 20 porsyentong buwis.