ISANG mananaya sa Lanao del Sur ang nanalo ng P35.5 milyong jackpot prize sa bola ng MegaLotto 6/45 noong Hunyo 26.

Ayon sa Philippine Charity Sweepstakes Office (PCSO) ang nag-iisang nakakuha sa winning number combination na 26-40-06-12-44-14 ay tumaya sa lotto outlet sa Magsaysay st., Brgy. Eastern, Wao, Lanao del Sur.

Samantala, nanalo naman ng tig-P32,000 ang 37 mananaya na nakalimang numero.

Tig-P1,000 naman ang tinamaan ng 1,379 mananaya na nakaapat na numero at tig-P30 ang 25,181 mananaya na nakatatlong numero.

Ang mga nanalo ay mayroong isang taon para kunin ang kanilang premyo.