NAGPASALAMAT si Lakas-Christian Muslim Democrats (Lakas-CMD) vice presidential candidate Davao City Mayor Sara Duterte sa mga nagpahayag ng suporta sa kanya.

Ayon kay Duterte nag-usap na sila ng running mate na si Partido Federal ng Pilipinas (PFP) standard bearer Ferdinand ‘Bongbong’ Marcos Jr. na walang tatanggihang endorsement maging magkasama man sila na sinusuportahan o hindi.

“Napag-usapan na namin yan ni Apo BBM na either of us will not refuse endorsements whether individually or collectively at nagpapasalamat po tayo sa lahat ng mga kaibigan at supporters natin sa buong bansa,” sabi ni Duterte.

Nauna rito ay inendorso si Duterte ni Albay Rep. Joey Salceda subalit iba ang sinusuportahan nitong kandidato sa pagkapangulo.

Sinabi ni Duterte na kanyang kaibigan si Salceda may pulitika man o wala.