BALIK na ang operasyon ng Mactan-Cebu International Airport (MCIA) ngayong Martes, Oktobre 25.

Pinayagan na ng Civil Aviation Authority of the Philippines (CAAP) at Mactan-Cebu International Airport Authority (MCIAA) ang paglipad at paglapag ng mga eruplano sa paliparan kapag araw.

Hindi naman papayagan ang pagbiyahe at pagdating ng mga eruplano kapag gabi bilang bahagi ng pag-iingat.

Umapela ang MCIAA sa mga pasahero na makipag-ugnayan sa kanilang mga airlines kaugnay ng kanilang mga flight bago pumunta sa paliparan.

Sinuspendi ang operasyon ng paliparan matapos na sumadsad ang isang eruplano ng Korean Air noong Linggo ng gabi.