MARAMI sa mahigit 210 health facilities sa buong bansa na nirehabilitate ng BDO Foundation ay may mga birthing clinics na tumutugon sa pangangailangan ng mga buntis na ina. Isa sa mga ito ang CHO Panganakan ng San Jose sa Nueva Ecija, na kamakailan ay sumailalim sa renovation ng foundation bilang bahagi ng patuloy na pagsisikap na mapabuti ang healthcare delivery system sa bansa.

Pinalakas ng corporate social responsibility arm ng BDO Unibank ang mga interior at exterior ng pasilidad, tinitiyak na komportable at ligtas ang mga espasyo para sa mga ina at sanggol. Ang adbokasiya ng BDO Foundation na mag-rehabilitate ng mga health center ay sinusuportahan ng mga sangay ng BDO at BDO Network Bank sa buong bansa.