NAGPALABAS ang Civil Aviation Authority of the Philippines (CAAP) ng Notice to Airmen (NOTAM) na sumasaklaw sa mga paglipad sa paligid ng Bulkang Mayon, na may vertical limit mula sa ibabaw hanggang 11,000 talampakan.

Ang NOTAM ay epektibo mula Disyembre 10, 2025, alas-8:36 ng umaga hanggang Disyembre 11, 2025, alas-9:00 ng umaga.

Mahigpit na pinapayuhan ang lahat ng operator ng eroplano na iwasang lumipad malapit sa Bulkang Mayon, na nananatiling nasa Alert Level 1 (mababang antas ng pag-aalboroto) ayon sa Philippine Institute of Volcanology and Seismology (PHIVOLCS).

Ang pahayag na ito ay inilabas upang matiyak ang kaligtasan ng operasyon sa himpapawid at maiwasan ang mga posibleng panganib na dulot ng aktibidad ng bulkan.