NAKIPAG-usap noong Biyernes ang hepe ng Batangas Police Provincial Office (BPPO) sa mga pulis na nakatalaga sa 2nd Batangas Provincial Mobile Force Company (PMFC).

Kinausap ni P/Col. Marlon Rufo, hepe ng BPPO, ang mga tauhan ng 2nd BPMFC at binigyang-diin na dapat gawin ang tama, sumunod sa mga umiiral na batas, regulasyon at patakaran, panatilihin ang mabuting kalusugan at humingi ng gabay sa Diyos sa pagtupad sa kanilang tungkulin.

Ang aktibidad ay naglalayong masuri ang kapakanan ng unit at matiyak na ang mga estratehikong layunin ng Batangas PPO ay epektibong inihahatid sa mga tauhan ng Mobile Force Company.