SUGATAN ang isang guest relation officer matapos pagbabarilin ng nakatakas na salarin sa Brgy. Poblacion 3, Tanauan City, Batangas, noong Lunes.

Ang biktima, si alyas Sandra, 34, naninirahan sa Phase 1, Block 1, Lot 50, Brgy. Hidalgo, Tanauan City habang ang suspek nakilalang si alyas Bernard.

Ayon sa imbestigasyon, nag-iinuman ang biktima, suspek at iba pang kasamahan sa Kuyakoy Resto Bar nang mag-away ang dalawa tungkol sa kakantahin sa videoke.

Makalipas ang ilang sandali, biglang binaril ng suspek ang biktima sa leeg at mukha at tumakas na patungo sa Brgy. Hidalgo sakay ng tricycle.