NADAKMA noong Biyernes ng mga pulis ang isang lalaki na sangkot umano sa bentahan ng shabu sa Brgy. San Isidro, San Luis, Batangas.

Natiklo si alyas Boboy matapos magbenta ng shabu sa pulis na umaktong poseur-buyer, ayon sa report.

Nahuli siya ng mga tauhan ng San Luis police bandang alas-6:00 ng gabi.

Nakumpiska mula sa suspek ang dalawang plastic sachets na naglalaman ng shabu, buy bust money, isang cal .38 revolver, apat na bala, isang gray backpack at asul na Kawasaki Barako motorcycle.