NASABAT ng Bureau of Customs, Port of Davao ang isang luxury vehicle na idineklarang mga second hand na piyesa ng sasakyan.

Nakatanggap umano ng intelligence report ang pulisya kaugnay ng iligal na droga na ipapasok sa pantalan.

Sa tulong ng BOC ay natukoy ang isang kargamento na idineklara na mga second hand na piyesa ng sasakyan ang laman.

Pero ginamit lamang umano ang mga second hand na piyesa ng sasakyan na ginamit upang maitago ang isang kulay puting Porsche 911 GT3 RS sa likuran.

Wala namang nahanap na iligal na droga sa loob ng kargamento.

Ang nadiskubreng luxury vehicle ay nagkakahalaga umano ng P15.3 milyon.