PATAY ang isang babae noong Biyernes matapos tambangan ng dalawang lalaking nakatakas at hindi nakilala sakay ng motorsiklo sa Nueva Ecija.

Sa ulat kay Police Regional Office-3 director Brig. Gen. Jean Fajardo, taga-Brgy. Palusapis, Science City of Muñoz, Nueva Ecija ang biktimang si Gina Benito.

Nagmamaneho ng e-bike pauwi ang biktima at nang makarating sa Brgy. Palusapis, binaril ng dalawang lalaking sakay ng motorsiklo ng ilang beses.

Isinugod sa Ospital ng Lungsod Agham ng Muñoz ang biktima ngunit idineklara itong dead-on-arrival habang tumakas ang mga suspek patungo sa Brgy. San Antonio.

Natagpuan ng mga rumespondeng pulis ang apat na basyo ng .9mm sa pinangyarihan ng krimen.