TANAUAN City, Batangas–Arestado noong Miyerkules ang dalawang lalaking suspek sa panghahalay sa lalawigang ito.

Sa Brgy. Poblacion ng siyudad na ito, ayon sa Tanauan City police, naaresto si alyas Divino bandang alas-12:05 ng tanghali sa bisa ng warrant of arrest na inisyu ng Regional Trial Court (RTC) Branch 83, Tanauan City para sa kasong panggagahasa.

Walang inirekomendang piyansa para sa kanyang pansamantalang kalayaan.

Nasakote naman si alyas Cris sa Brgy. Kumintang Ilaya, Batangas City para sa parehong kaso.

Isinilbi sa kanya ang warrant of arrest na inisyu ng Presiding Judge ng Regional Trial Court, Branch 87, 4th Judicial Region ng Rosario, Batangas.

Ang operasyon ay isinagawa sa pangunguna ni P/Maj. Dante Lalap Majadas.