SUBIC, Zambales–Isang 38-anyos na lalaki ang naaresto noong weekend sa Brgy. Cawag ng Subic police dahil sa kasong qualified rape.

Sa ulat kay Police Regional Office-3 director Brig. Gen. Ponce Rogelio Penones Jr., kinilala ng pulisya ang suspek na si alyas na Novo.

Nadakip ang suspek sa bisa ng warrant of arrest na inilabas ng Regional Trial Court, Branch 73 ng Olongapo City at dinala sa Subic police bago ilipat sa korte na naglabas ng warrant sa kanya.

Iginiit ni Penones ang pangako ng PRO-3 na paiigtingin ang operasyon laban sa mga wanted na kriminal.