UMAKYAT sa 32 ang bilang ng mga nasawi sa pagkasunog ng MV Lady Mary Joy 3 sa Basilan kamakailan.

Narekober ng mga tauhan ng Philippine Coast Guard (PCG) ang bangkay ni Alses Hassan alas-9 ng umaga noong Abril 9 sa Langgas island, Maluso, Basilan.

Si Hassan ay isa sa dalawang nawawalang pasahero ng lumubog na barko.

Ipinagpatuloy ng PCG ang retrieval operation kahit na Holy Week.

Mahigit 200 pasahero at crew ang sakay ng barko nang masunog ito.