NAKIISA noong Miyerkules ang Philippine Consulate General sa New York sa pagdiriwang ng “National Anti-Trafficking in Persons Awareness Month” alinsunod sa Proclamation No. 1180.

Layunin ng Konsulado na itaguyod ang mga kampanya sa edukasyon, impormasyon, at adbokasiya upang wakasan ang ilegal na kalakalan ng tao.

May temang “Isang Nasyon, Isang Aksyon: Tapusin ang Human Trafficking Ngayon!” binigyang-diin ng okasyon ang pangangailangan para sa isang nagkakaisang puwersa ng buong lipunan.

Ayon sa Konsulado, mahalaga ang pagpapatibay ng ugnayan at agarang pagkilos sa pagitan ng mga ahensya ng pamahalaan, civil society organizations, pribadong sektor, at buong komunidad upang masugpo ang krimeng ito at maprotektahan ang bawat mamamayan.