SAN MIGUEL, Bulacan–Pinasok ng mga magnanakaw ang KFC outlet sa Brgy. Camias, San Miguel, Bulacan at tinatayang P150,000 ang natangay noong Martes.

Nadiskubre ang insidente ng store manager na si Carlos Esdicul, 33, ayon sa report.

Batay sa imbestigasyon, sinira ng mga suspek ang gilid na pinto ng fastfood chain upang makapasok at pwersahang binuksan ang vault at tinangay ang tatlong araw na benta na nagkakahalaga ng P150,000.

Sinira rin ng mga suspek ang CCTV monitor ng tindahan bago tumakas sa likurang pinto.

Patuloy ang follow-up operations ng pulisya upang makilala at maaresto ang mga suspek.