LIMANG container van ng smuggled na sibuyas at carrots ang nakumpiska sa Misamis Oriental noong Hulyo 7.

Ayon sa Bureau of Customs (BOC) ipinasok ang mga container van na naglalaman ng smuggled na agricultural product sa Mindanao International Container Terminal Services Inc. (MICTSI).

Ang shipment ay galing umano sa China at idineklara ng Primex Export and Import Producer bilang powdered Autolysed Yeast.

Nang buksan umano ang mga container van ay tumambad sa mga otoridad ang sako-sakong pula at putting sibuyas at carrots.