HINDI tinamaan ang P281.1 milyong jackpot prize ng Grand Lotto 6/55 sa bola noong Hunyo 27.

Ayon sa Philippine Charity Sweepstakes Office (PCSO) lalapit na sa P300 milyon ang jackpot sa bola nito sa Miyerkoles.

Lumabas sa huling bola ang winning number combination na 49-01-40-21-20-55.

Samantala, nanalo naman ng tig-P100,000 ang 41 mananaya na nakakuha ng lima sa anim na numerong lumabas.

Nanalo naman ng tig-P1,500 ang 1,815 mananaya na nakakuha ng apat na numero at tig-P60 naman ang 40,786 mananaya na nakatatlong numero.

Ang Grand Lotto ay binobola tuwing Lunes, Miyerkoles, at Sabado.