NAHARANG ng Bureau of Customs-Port of Clark ang tinatayang P3.737 milyong halaga ng high-grade marijuana (kush) at naaresto ang claimant nito sa Subic Bay Freeport Zone.

Dumating umano ang package noong Pebrero 19 mula sa Quebec, Canada at idineklara na “window curtains, cotton” ang laman.

Nang dumaan sa K9 sniffing, x-ray scanning procedures at physical examination ay nakita ang limang pakete na mayroong laman na pinatuyong dahon ng marijuana na tumitimbang ng 2,336 gramo.

Sa tulong ng Philippine Drug Enforcement Agency (PDEA) ay nahuli ang claimant ng package.