NATIKLO ang isang drug suspek na nahulihan din ng mahigit P340,000 na halaga ng shabu sa entrapment sa Mexico, Pampanga kamakailan.

Sa ulat kay Police Regional Office (PRO)-3 director Brig. Gen. Jean Fajardo, kinilala ni Pampanga police director P/Col. Jay Dimaandal ang suspek na si alyas Cusi, 35, ng Bgy. Del Pilar, San Fernando, Pampanga.

Nagresulta sa pagkaka-aresto ng suspek ang entrapment at pagkakakumpiska ng hindi bababa sa 51 gramo ng shabu na nagkakahalaga ng P346,800 at ang buy-bust money.

Nasa kustodiya ng Mexico police ang suspek na sasampahan ng kasong paglabag sa RA 9165.