Naharang ng Bureau of Customs (BOC)- Port of Clark ang 2.9 kilo ng kush o high grade marijuana.

Ayon sa BOC ang package na marijuana na nagkakahalaga ng P4.38 milyon ay galing sa Azusa, California, USA at dumating sa bansa noong Oktobre 23.

Idineklara na fishing net ang package.

Binuksan ang package matapos na makita sa x-ray ang kahina-hinalang laman nito.

Ngayong taon ay umaabot na sa p129 milyong halaga ng droga ang nakumpiska sa BOC-Port of Clark.