CABANATUAN CITY–Nasakote ng Cabanatuan City Station Drug Enforcement Unit (SDEU) sa buy-bust noong Lunes ang isang lalaki dahil umano sa pagbebenta ng 75 gramo ng shabu na nagkakahalaga ng P510,000.

Naaresto ang suspek halos tatlong linggo matapos mahuli ang kanyang kapatid sa isa ding buy-bust ng SDEU noong Enero 23, 2025.

Matapos magsagawa ng malawakang imbestigasyon kabilang ang follow-up operation at patagong aksyon, nahulog ang magkapatid sa kamay ng pulis at nahaharap sa mga kaso ng paglabag sa Republic Act 9165 (Comprehensive Dangerous Drugs Act of 2002).