DALAWANG high value drug target ang arestado nitong Huwebes sa isang entrapment operation sa Barangay Benedicto, Floridablanca, Pampanga.

Sa ulat kay PRO3 director Brig. Gen. Jean Fajardo, kinilala ni Pampanga police director Col. Jay Dimaandal ang mga suspek na sina alyas “JR”, 34, ng Lubao, Pampanga; at alyas “Ley”, 24, ng Floridablanca, Pampanga.

Nagsagawa ng buy-bust ang mga elemento ng SDEU Floridablanca police sa dalawang suspek na nakuhanan ng hindi bababa sa 75 gramo ng shabu na nagkakahalaga ng P510,000, sling bag, at motorsiklo.

Nasa kustodiya na sila ngayon ng Floridablanca police at sasampahan ng kasong paglabag sa RA 9165.