NASA P600,000 na halaga ng shabu ang nakumpiska sa isang drug suspek sa buy-bust sa Phase 5, Parkland Subdivision, Brgy. San Francisco Gen. Trias Cavite noong Biyernes.

Isinagawa ng magkasanib na operatiba ng Regional Provincial Unit-4A, PIU Cavite at PDEA-4A ang pag-aresto sa suspek na kinilalang si alyas Adam.

Nabawi mula sa suspek ang 100 gramo ng shabu na may standard price na P600,000.

Ang nabawing shabu ay nakalagay sa 2 transparent plastic sachets, ayon sa report.

Paglabag sa RA 9165 ang kasong kakaharapin ng suspek, ayon sa mga pulis.