NAGTANGHAL ang Parang National High School (PNHS) Passionate Dancerists sa ILOmination: Festival of Light Festivals 2026 sa Iloilo City noong Enero 23.

Itinampok ang Pandang Gitab ng Oriental Mindoro sa festival na naghatid ng makukulay na ilaw at masiglang dance steps na sumasalamin sa kultura at tradisyon ng lalawigan.

Suportado ni Gob. Humerlito “Bonz” Dolor ang 34 mag-aaral na kumatawan sa lalawigan sa Dinagyang fest.

Bibigyan ng parangal ang mga magwawagi sa Enero 25, ang pagtatapos ng Dinagyang Festival.