NAG-ocular inspection si PBGen. Jovencio Badua, Jr., acting director ng Police Regional Office (PRO)-4B sa Calapan Port sa Brgy. San Antonio, Calapan City, Oriental Mindoro noong Huwebes para makita ang kahandaan ng mga pulis na nakatalaga sa lugar ng daungan.

Sinuri ng hepe ng PRO-4B ang mga itinatag na police assistance desks at binigyang-pansin ang pagpapatupad ng mga plano sa seguridad at pamamahala ng trapiko upang matiyak ang ligtas at maayos na paggalaw ng mga pasahero at motorista.

Binibigyang-diin ng inspeksyon ang pangako ng PRO-4B na tiyakin ang kaligtasan, kaginhawahan at seguridad ng publikong naglalakbay para sa Undas.