SWAK sa selda ang anim na suspek na tulak sa Baseco compound, Port Area, Manila.

Kinilala ang mga unang nahuli na sina alyas Tom, 29; Bert, 45; at Dam, 49.

Ayon kay Police Lieutenant Colonel Rommel Anicete, commander ng Baseco Police Station 13 ng Manila Police District, bandang alas-11:35 ng gabi nahuli ang tatlo.

Pinangunahan ang operasyon ni P/Lt. Mark Jason Ramos na nagresulta sa pagkakaaresto sa mga suspek gayundin ang pagkumpiska ng P40,800 na halaga ng shabu.

Timbog din sina alyas Joel, 51; Raffy, 63; at Cecille, 38, ng Block 15, Baseco compound, Port Area, Manila.

Nakumpiska sa tatlo ang 5 sachet ng shabu na nasa halagang P13,600.

Ang mga suspek ay nahaharap sa kasong paglabag sa RA 9165 (Comprehensive Dangerous Drug Act of 2002).