NAGBABALA si Sen. JV Ejercito na puwedeng maantala ang pag-imprenta ng passport sa 2027 kung hindi aayusin ang presyo.

Sa pagdinig ng Finance Subcommittee H sa panukalang budget ng Department of Foreign Affairs (DFA), may sulat ang APO Production Unit, ang printer na nag-iimprenta ng Philippine ePassport mula 2015 sa ilalim ng kasunduan sa DFA, na humihingi ng taas mula P950 sa P1,500.

Kung hindi papayagan, pwede nitong itigil ang operasyon.

Hiniling ni Ejercito na suriin ng DFA ang adjustment bago matapos ang taon. Ayaw niyang mabigatan ang OFW, pero ayaw din niyang mawala ang libro.

Sinabi ni Foreign Affairs Secretary Ma. Theresa Lazaro na hiningi nila sa APO na iwasan muna ang taas-presyo kahit mahigit 10 taon ng P950 ang bayad sa passport.

Ayon sa Philippine Passport Act, hindi pwedeng taasan ang presyo sa loob ng tatlong taon. Kaya ang tanong ng DFA: kung itataas sa Enero, paano ang bagong libro?

Ayon kay DFA Assistant Secretary Anne Jalando-on Louis, hindi sira ang passport kundi ang reader.

May technical working group na ang DFA, Bureau of Immigration, APO at operator ng e-gate. Naresolba na ang reklamo sa Australia. Inamin nina Lazaro at Louis na hindi inanyayahan ang DFA nang ilagay ang mga makina.

Samantala, tinanong ni Sen. Erwin Tulfo kung ano ang tulong na ibinibigay sa mga Filipino sa labas ng bansa, kabilang ang undocumented at asylum. Sinabi ni Lazaro na mahigpit ang privacy sa Europa at hindi ibinibigay ng France at Austria ang detalye ng asylum.

Isinumite na sa plenaryo ang panukalang 2027 budget ng DFA, na humigit-kumulang P35.17 bilyon, saklaw ang hinihinging papeles.