NATAGPUAN ang patay na sanggol noong Sabado sa tulay sa NHA Ave., Brgy. Dela Paz, Antipolo City.

Ayon sa imbestigasyon, bandang alas-6:30 ng umaga natagpuan ang patay na sanggol na lalaki na nakalagay sa bag na nakabalot sa tuwalya.

Ini-report sa Brgy. Dela Paz ang insidente at kalaunan iniulat sa mga pulis bandang alas-10:30 ng umaga.

Inilibing ang sanggol sa Antipolo City Public Cemetery sa Sto. Niño St., Brgy. Dela Paz, Antipolo City.

Sinusuri ng mga pulis ang mga CCTV footages upang matukoy ang suspek sa pagtatapon ng patay na sanggol.