NAGBIGAY ng seguridad sa pagsusulit ng NAPOLCOM noong Abril 19 ang Batangas Police Provincial Office (BPPO) sa ilalim ni P/Col. Meliton Salvadora Jr. sa pamamagitan ng mga tauhan ng Cuenca police Station.

Kasama sa aktibidad ang PNP Entrance Examination (PNPEE), Promotional Examination (PROMEX) at Police Executive Service Eligibility-Written Examination (PESE-WE) na ginanap sa Cuenca Central Elementary School, Cuenca, Batangas.

Nagpatupad ang mga pulis ng mahigpit na hakbang sa seguridad, kabilang ang masusing inspeksyon sa lahat ng mga examinee bago makapasok.

Nakatuon ang Batangas police sa pagsuporta sa National Police Commission sa pagsasagawa ng kapani-paniwala, patas at ligtas na mga pagsusulit.